ഇംഗ്ലിഷ് മീഡിയം നിർത്തിയതിൽ അടിമാലി ഗവ. ഹൈസ്കൂളിൽ പ്രതിഷേധം

അടിമാലി∙ ഗവ. ഹൈസ്കൂളിൽ ഇംഗ്ലിഷ് മീഡിയം ഡിവിഷൻ നിർത്തലാക്കിയ സ്കൂൾ അധികൃതരുടെ നീക്കത്തിനെതിരെ പ്രവേശനോത്സവത്തോടനുബന്ധിച്ച്  പ്രതിഷേധം.

യൂത്ത് കോൺഗ്രസ് പ്രവർത്തകരും രക്ഷിതാക്കളും സ്കൂൾ ഓഫിസിൽ എത്തി ഹെ‍ഡ്മിസ്ട്രസിനെ ഉപരോധിച്ചത് സംഘർഷാവസ്ഥയിലേക്ക് നീങ്ങിയെങ്കിലും പൊലീസ് ഇടപെട്ട് പ്രതിഷേധക്കാരെ  പുറത്താക്കി. 

കുട്ടികളുടെ എണ്ണം കുറവായതിനാൽ 9 സി ഡിവിഷൻ (ഇംഗ്ലിഷ് മീഡിയം) നിർത്തലാക്കാൻ സ്കൂൾ അധികൃതർ തീരുമാനിക്കുകയായിരുന്നു.

8 കുട്ടികളാണ് ഡിവിഷനിൽ ഉണ്ടായിരുന്നത്. ഡിവിഷൻ നിർത്തലാക്കുന്ന അറിയിപ്പ് കഴിഞ്ഞ 30നാണ് അധികൃതർ രക്ഷിതാക്കളെ അറിയിച്ചത്. 2011–12 അധ്യയന വർഷത്തിലാണ് ഇവിടെ ഇംഗ്ലിഷ് മീഡിയം തുടങ്ങിയത്. തുടക്കത്തിൽ അഞ്ചാം ക്ലാസിൽ ഒരു ഡിവിഷൻ ഇംഗ്ലിഷ് മീഡിയമായിരുന്നു.

3 വർഷം പിന്നിട്ടതോടെ ഒന്നാംക്ലാസ് മുതൽ ഒരു ഡിവിഷൻ ഇംഗ്ലിഷ് മീഡിയമാക്കി. 3 വർഷമായി ഒന്നു മുതൽ 10 വരെ എല്ലാ ക്ലാസുകളിലും ഇംഗ്ലിഷ് മീഡിയം പ്രവർത്തിക്കുകയാണ്.

ഇടുക്കി ലൗഡ് ന്യൂസ് ഇപ്പോൾ വാട്സാപ്പിലും ലഭ്യം ആണ്

വാട്സാപ്പ് ഗ്രൂപ്പിൽ അംഗമാകാൻ ഇവിടെ ക്ലിക് ചെയ്യു.

ഫേസ്ബുക്കിൽ വാർത്തകൾ ലഭിക്കാൻ ഇവിടെ ക്ലിക്ക് ചെയ്യുക